Gəncədə kitabxanaların birində görüş keçirilib. Bu haqda 5 mart tarixində Mərkəzləşdirilmiş Kitabxana Sisteminə istinadən xəbər veririk.
7 nömrəli Kitabxanada "İlkə imza atan Azərbaycan xanımları - onları siz də tanıyın” başlığı altında söhbət- sərgi baş tutub. Tədbir 8 Mart - Beynəlxalq Qadınlar Günü münasibətilə təşkil olunub. Burada məqsəd tarixin hər səhifəsində zəkası, müdrikliyi, fədakarlığı ilə seçilən Azərbaycan xanımlarını oxuculara tanıtmaqdır.
Görüşdə aparıcı qeyd edib ki, Azərbaycanda müxtəlif sahələrdə aktiv xanımların rolu hər zaman danılmaz olub, ölkəmizdə ilkə imza atan bir çox xanımlarımız bəzən əsl Şərq hadisəsinə çevriliblər. O, həmçinin: “xalqımızın həyatında adını qızıl hərflərlə yazmış qadınlarımızın sayı kifayət qədərdir”,- deyə əlavə edib.
