Gəncədə yol-nəqliyyat hadisəsi zamanı yaralanan şəxs vəfat edib. Bu haqda 19 aprel tarixində Avtosfer-ə istinadən xəbər veririk.
Hadisə 14 aprel tarixində Şah İsmayıl Xətai və Heydər Əliyev prospektlərinin kəsişməsində baş verib. Əlizamin Müzadil oğlu Lətifliyə məxsus "Hyundai Sonata" markalı avtomobil hərəkətdə olan zaman Aqşin Naqif oğlu Alıyevin idarə etdiyi "Mercedes Benz"lə toqquşub. Daha sonra birincinin sürücüsü idarəetməni itirərək qarşıdakı "VAZ-21074"ə çarpılıb. Həmin maşın isə qarşıda dayanan 64 yaşlı Mülazim Firudin oğlu İsmayılovu vurub.
Qəzada yaralanan kişi xəstəxanaya yerləşdirilib. O, 18 aprel tarixində aldığı xəsarətlərdən Gəncə Şəhər Xəstəxanasında dünyasını dəyişib.
Faktla bağlı araşdırma aparılır.
