Gəncədə təhsil ocaqların birində şəhidə həsr olunmuş guşə hazırlanıb. Bu haqda 27 fevral tarixində 5 nömrəli tam orta məktəbə istinadən xəbər veririk.
Söhbət şəhid Mirhüseyn Miryunis oğlu Seyidzadədən gedir. Məzunu olduğu 5 nömrəli tam orta məktəbdə qəhrəmanımızın xatirəsi anılıb. Burada İcra Hakimiyyətinin nümayəndələri, Azad Həmkarlar İttifaqının sədri, şəhidin ailə üzvləri və məktəb rəhbərliyi iştirak ediblər.
Qeyd edək ki, şəhidimiz Vətən müharibəsində Laçın, Füzuli və Cəbrayıl uğrunda gedən döyüşlərdə iştirak edib. Prezident tərəfindən “Vətən uğrunda”, “Cəbrayılın azad olunmasına görə”, “Qubadlının azad olunmasına görə”, “Laçının azad olunmasına görə” və “İkinci dərəcəli Vətənə xidmətə görə”, üçüncü dərəcəli “Rəşadət” ordenləri ilə təltif edilib.
