Gəncədəki Azərbaycan Texnologiya Universitetində tədbir keçirilib. Bu haqda 29 mart tarixində Azərbaycan Texnologiya Universitetinə istinadən xəbər veririk.
Tədbir 31 Mart - Azərbaycanlıların Soyqırımı Gününə həsr edilib. Burada İctimai elmlər və multikulturalizm kafedrasının əməkdaşları Zəminə Novruzova “Mart soyqırımları ədəbiyyatda”, Mehriban Tağıyeva “Tarixin yaddaşından silinməyən soyqırım”, Mətanət Mustafayeva “Mart soyqırımları dövrün milli mətbuat səhifələrində”, Qida mühəndisliyi fakültəsinin IV kurs tələbəsi Namiq Muradov "Soyqırımı gənclərin yaddaşında" başlıqlı məruzələrlə çıxış ediblər.
Toplantıda bildirilib ki, martın 31-i Azərbaycan tarixində unudulmayan, qan yaddaşımızdan silinməyən izlər buraxıb. Soyqırım ən ağır beynəlxalq cinayət, sülh, insanlıq əleyhinə yönəlmiş terrordur. Sonda 31 Mart Soyqırımına həsr edilmiş videoçarx nümayiş etdirilib.
