Gəncədə növbəti yarmarka baş tutub. Bu haqda 29 dekabr tarixində İcra Hakimiyyətinə istinadən məlumat veririk.
Əmək yarmarkası Gəncə-Daşkəsən Regional Məşğulluq filialı tərəfindən təşkil olunub. Burada icra başçısının müavini Adil Tağıyev və digər rəsmilər iştirak ediblər.
Tədbirə 28 müəssisə qatılıb. Vətəndaşlara 150 vakansiya təqdim olunub.
İşəgötürənlər tərəfindən vakansiyalara müraciət edən şəxslərin CV-ləri qəbul edilərək nəzərdən keçirilib. Uyğun namizədlər növbəti mərhələyə dəvət olunacaqlar.
