Gəncədə təhsil ocağı təmir olunur. Bu haqda 16 dekabr tarixində AzTV-yə istinadən məlumat veririk.
Söhbət 24 saylı orta məktəbin binasından gedir. Adıçəkilən təhsil ocağı 1979-cu ildə inşa edilib. Bina 3 mərtəbədən, 2 korpusdan və 39 sinifdən ibarətdir. Təhsil ocağı Dövlət İnvestisiya Proqramına salınıb. Burada təmir-bərpa işləri başlayıb.
Məktəbin direktoru Abdulla Kərimovun sözlərinə görə, məktəbin müəllim və şagird kollektivi müvəqqəti olaraq, 43 nömrəli tam orta məktəbə keçirilib. Dərslər ikinci növbədə təşkil olunub.
Qeyd edək ki, 4 orta məktəb binasının təmirə ehtiyacı var. Regional Təhsil İdarəsindən bildirilib ki, həmin məktəblər dövlət proqramına salınaraq əsaslı təmir ediləcək.
[modula id="51699"]
