Gəncədə narkomaniya mövzusunda tədbir keçirilib. Bu haqda 22 aprel tarixində Mərkəzləşdirilmiş Kitabxana Sisteminə istinadən xəbər veririk.
“Gələcəyimizi birlikdə düşünək, narkomaniyaya “yox” deyək! adlı tədbir təşkil olunub. Burada narkotik vasitələrə meyilin yaranma səbəbləri, bu sahədə ətraf mühitin çox böyük rolu, müalicə yolları və üsulları, dərman terapiyası, musiqi terapiyası, ebru terapiya, psixoloji seanslar mövzusunda məlumat verilib.
Tədbirdə iştirak edən şəxslər XXI əsrdə cəmiyyəti, bəşəriyyəti ən çox narahat edən problemlərdən birincisinin sonu faciə ilə nəticələnən narkomaniya olduğunu vurğulayıblar.
