Gəncə Qala Qapıları-Arxelogiya və Etnoqrafiya Muzey Abidə Kompleksində Gəncə Dövlət Tarix-Mədəniyyət Qoruğunun təşkilatçılığı ilə tədbir keçirilib. Bu haqda 19 aprel tarixində Regional Mədəniyyət İdarəsinə istinadən xəbər veririk.
Tədbir Beynəlxalq Abidələr və Tarixi Yerlər Günü münasibətilə təşkil olunub. Burada Tarix-Mədəniyyət Qoruğunun direktoru Vüsal İbrahimov, Regional Mədəniyyət İdarəsinin rəisi Pərvin Kazımov, Regional Turizm İdarəsinin rəisi Zaur Bayramov, İcra Hakimiyyətinin şöbə müdiri Yadigar Bədəlov, Cavad Xan Tarix və Mədəniyyət Fondunun vitse-prezidenti Müzadil Həsənov, Mədəni İrsin Qorunması Bərpası və İnkişafı Xidmətinin Regional Bölməsinin baş məsləhətçisi Xəlil İbrahimov, şagirdlər, ziyalılar və şəhər ictimaiyyəti iştirak ediblər.
Toplantıda Gəncənin qədim tarixi abidələri haqqında məlumatlar verilib və sərgilər nümayiş olunub. Daha sonra əl işlərini nümayiş edən iştirakçılara diplomlar verilib. Sonda isə tədbir konsert proqramı ilə yekunlaşıb.
