Gəncədə təhsil ocaqlarından birinin qarşısında təhlükəsiz hərəkət təmin edilir. Bu haqda Gencexeber.az-a 5 fevral tarixində məlumat daxil olub.
İşlər Gülüstan qəsəbəsinin Qəmərli küçəsindəki 14 saylı orta məktəbin qarşısında aparılır. Adıçəkilən əraziyə aidiyyəti qurumun əməkdaşları cəlb olunublar. Onlar yolun üzərindəki piyada keçidi xətlənməsini bərpa edirlər.
Qeyd edək ki, işlər “Siqnal” İxtisaslaşdırılmış Layihə-İstehsalat İdarəsi və onun regional istismar sahələri tərəfindən həyata keçirilir.
