Gəncədə növbəti hüquqi aksiya təşkil olunacaq. Bu haqda 14 mart tarixində 1 saylı Vəkil Bürosuna istinadən məlumat veririk.
Hüquqi yardım 16 mart tarixində saat 11:00-dan 16:00-dək Gəncə şəhəri 1 saylı Vəkil Bürosunun vəkilləri tərəfindən göstəriləcək. Ödənişsiz qəbul şəhərimizdə və ətraf rayonlarda yaşayan aztəminatlı əhali, həmçinin şəhid ailələri və Vətən müharibəsi iştirakçıları üçün təşkil olunub.
Görüş büronun inzibati binasında təşkil olunacaq. Ünvan Cavad xan küçəsi, 53-dür.
