Gədəbəyə yeni prokuror təyin edilib.
Gencexeber.az bildirir ki, bununla bağlı baş prokuror Kamran Əliyev Əmr imzalayıb.
Əmrə əsasən, Kamal Əhmədov Gədəbəy rayon prokuroru vəzifəsinə təyin olunub.
Müsabiqə yolu ilə prokurorluq orqanlarında qulluğa qəbul olunan Kamal Əhmədov əvvəllər Kürdəmir Rayon Prokurorluğunda müstəntiq və böyük müstəntiq, eləcə də Baş prokuror yanında Korrupsiyaya qarşı Mübarizə Baş İdarəsinin İstintaq idarəsində mühüm işlər üzrə müstəntiq və böyük müstəntiq vəzifələrində çalışıb.
Digər Əmrlə Baş Prokurorluğun Cinayət təqibindən kənar icraatlar idarəsinin prokuroru Şahin Şükürov Lerik rayon prokuroru təyin edilib.
Baş prokuror Kamran Əliyevin müvafiq əmrinə əsasən, əvvəllər Ağcabədi, Şəmkir və Suraxanı rayon prokurorluqlarında müstəntiq və böyük müstəntiq, habelə Baş Prokurorluğun müxtəlif idarələrində idarə və şöbə prokuroru vəzifələrində işləmiş Şahin Şükürov Lerik rayon prokuroru vəzifəsinə təyin edilib.
