Gəncə şəhər sakini olan qadın dələduzluqla üzləşib.
Gencexeber.az-ın xəbərinə görə, bu barədə DİN-in Mətbuat xidmətinin bölmə rəisi Nurlan Əliyev məlumat verib.
O qeyd edib ki, zərərçəkmiş qadın sosial şəbəkədə yardım topladığı zaman dələduzların qurbanına çevrilib. Belə ki, naməlum nömrədən zəng edən şəxs özünü ABŞ-də yaşayan xeyriyyəçi kimi təqdim edərək, guya, 5000 dollar yardım edəcəyini bildirib və bu məqsədlə qadından bank kartı məlumatlarını istəyib.
Qadın məlumatları qarşı tərəfə göndərdikdən sonra onun hesabındakı 3146 manat talanıb.
