Gəncədə sakinlər üçün inşa edilən kompleksdə son tamamlama işləri görülür. Bu haqda 25 yanvar tarixində Azərbaycan televizisiyasına istinadən xəbər veririk.
Hal-hazırda yaşayış üçün yararsız və qəzalı 18 yataqxana var. Onların sakinləri tezliklə yeni mənzillərlə təmin olunacaqlar.
Nizami prospekti ilə Kimyaçılar küçəsinin kəsişməsində 9 və 10 mərtəbəli 4 bina tikilir. Ümumilikdə 1, 2 və 3 otaqlı 249 mənzil inşa edilir. İnşaatçıların sözlərinə görə, işlərin 70%-i yekunlaşıb. Kompleksdə mənzillərin 10-u üç, 2-si iki və 219-u birotaqlıdır.
“Binanın daxilində hal-hazırda rəngsaz işləri aparılır, otaqlara döşəmələr vurulur. Yaxın zamanlarda qapılar yerinə quraşdırılacaq, ondan sonra tam rənglənib təhvil veriləcək”,- deyə iş icraçısı Şahin Sadıqov qeyd edib.
