Gəncədə yanğında vəfat edən şəxsin kimliyi ilə bağlı təfərrüatlar açıqlanıb. Bu haqda 13 aprel tarixində Report-a istinadən xəbər veririk.
Bir neçə saat öncə yaşayış evlərinin birində yanğın olması ilə bağlı məlumat paylaşmışdıq. Həmin hadisədə ölən 58 yaşlı Kamil Quliyevin Daşkəsən rayonunun keçmiş prokuroru mərhum Nəbi Quliyevin oğlu olduğu bəlli olub.
Qeyd edək ki, yanğın ümumi sahəsi 190 kvadratmetr (hər mərtəbəsi 95 kvadratmetr) olan ikimərtəbəli evdə olub. Nəticədə 7 otaqlı evin birinci mərtəbəsində bir otağın ev əşyaları 50 kvadratmetr sahədə yanıb.
Hadisə ilə əlaqədar müvafiq qurumlar tərəfindən təhqiqat aparılır.
