Gəncədə yanğın hadisəsi baş verib. Bu haqda 13 aprel tarixində Apa-ya istinadən xəbər veririk.
Hadisə şəhərin Bursa küçəsində qeydə alınıb. Adıçəkilən ərazidəki yaşayış evlərinin birində yanğın olub. Dərhal buraya Fövqəladə Hallar Nazirliyinin yanğınsöndürmə briqadası cəlb olunub.
Yanğının söndürülməsi zamanı evdən 58 yaşlı Kamil Quliyevin meyiti tapılıb. Əraziyə polis və təcili tibbi yardım briqadası cəlb olunub.
Faktla bağlı araşdırma aparılır.
