Daşkəsənin turizm zonasına qarşı biganə münasibət hökm sürür.
Gencexeber.az-a daxil olan çoxsaylı şikayətlərə əsasən, Daşkəsən rayonunun Zağalı kənd inzibati ərazi dairəsində yerləşən məşhur istirahət məkanlarından biri – Xoşbulaq kəndinin təbiəti ciddi ekoloji problemlə üzləşib. Ərazidən çəkilmiş görüntülərdən aydın olur ki, ictimai iaşə obyektlərinin ətrafı məişət tullantıları ilə çirkləndirilib.
Bildirilir ki, xüsusilə istirahət mövsümündə kəndə gələnlərin və yerli əhalinin tullantılarını atmaq üçün zibil qutuları yoxdur. Bu səbəbdən zibillər ətrafa səpələnərək təbiətin mənzərəsini pozur, həmçinin ətraf mühitə və insanların sağlamlığına təhlükə yaradır.
Sakinlər təbiətinin qorunması, ərazidə tullantıların atılması üçün zəruri şəraitin yaradılması və mütəmadi təmizləmə işlərinin aparılması üçün aidiyyəti orqanlardan təcili tədbirlər gözləyirlər.
