Yeni Gəncə qəsəbəsində yerləşən şəhid bulağının baxımsız vəziyyəti dünən Gencexeber.az tərəfindən işıqlandırıldıqdan sonra ərazidə təmizlik və abadlıq işləri həyata keçirilib.
Belə ki, Mənzil Kommunal Təsərrüfatı İstehsalat Birliyinin (MKTİB) canlı qüvvəsi və texnikası vasitəsilə şəhərin 28 May küçəsində, Qarabağ müharibələrində şəhid olmuş qəhrəmanların xatirəsinə yaradılmış xatirə guşəsində yerləşən bulağın ətrafı məişət tullantılarından və alaq otlarından təmizlənib.
Bundan başqa, bulağa içməli suyun verilməsi də normal vəziyyətə gətirilib.
MKTİB vətəndaşlara müraciət edərək şəhərin park, xiyaban və digər ictimai məkanlarında təmizliyə riayət etməyə, istirahət guşələrinin qorunub saxlanılmasına dəstək göstərməyə çağırıb.
