Gəncədə xəstəxanaya yeni həkim cəlb olunub. Bu haqda 17 yanvar tarixində Şəhər Birləşmiş Xəstəxanasına istinadən xəbər veririk.
Abbas Səhhət adına xəstəxanada həkim-neyrocərrah fəaliyyətə başlayıb. Söhbət Samir Yusifovdan gedir. O, 2008-2015-ci illərdə İvanov Dövlət Tibb Universitetində ali təhsil alıb. 2015-2017-ci illərdə İvanov Dövlət Tibb Universitetinin nəzdində olan İvanov Regional xəstəxanada Neyrocərrahiyyə şöbəsində rezidentura kursu keçib.
2017-2023-cü illərdə Rusiya Fedarasiyasının Vladimir şəhərində təyinat alaraq Vladimir Regional klinikasında neyrocərrah kimi fəaliyyət göstərib. Daha sonra, 2023-cü ildə 6 ay Respublika neyrocərrahiyyə xəstəxanasında praktiki tədris keçib.
