Gəncədə xəstəxanalardan birində sıxlıq qeydə alınıb. Bu haqda Gencexeber.az-a 11 dekabr tarixində məlumat daxil olub.
Söhbət şəhərin Abbas Səhhət adına xəstəxanasından gedir. Sakinlərin sözlərinə görə, 3 nömrəli xəstəxanada rentgen cihazı işləmir. Bu səbəbdən pasiyentlər Abbas Səhhət adına xəstəxanaya yönləndiriliblər.
Səhər saatlarında sözügedən tibb müəssisəsində isə elektrik təchizatı kəsilib. Nəticədə vətəndaşlar qeydiyyatdan keçməkdə çətinlik çəkiblər və sıxlıq yaranıb. Sıra növbəsinə riayət edilmədiyi üçün sakinlər arasında gərginlik yaşanıb.
Bildirilir ki, elektrik təchizatı 1 saat sonra bərpa edilib.
