VTB-nin (Azərbaycan) Gəncədə regional filialının açılışı baş tutub. Bu haqda 3 aprel tarixində Fed.az-a istinadən xəbər veririk.
Bankın yeni filialı Atatürk prospekti, 230A ünvanında yerləşir. Burada fiziki şəxslər əmanət və kreditləri təşkil edə, ödənişlər və pul köçürmələri həyata keçirə, valyuta mübadiləsi apara bilərlər.
Filial, həmçinin korporativ müştərilərə tam xidmət göstərir. Onlar hesablaşma-kassa xidmətləri, kredit, sənədli və əmanət məhsulları, inkassasiya, əmək haqqı layihələrinə qoşulma və əsas maliyyə xidmətlərinə gecə-gündüz çıxışı olan onlayn bank imkanlarına malikdirlər.
“Gəncədəki ofis təkcə şəhər sakinləri üçün deyil, həm də yaxın ərazilər - Şəmkir, Tovuz və digərləri üçün əlverişli yerdə yerləşir” - deyə VTB-nin İdarə Heyətinin sədri İqor Okaev bildirib.
