Gəncə voleybolçuları paytaxta yollanıblar. Bu haqda 3 aprel tarixində Kəpəz televiziyasına istinadən məlumat veririk.
Bakıda Azərbaycan Voleybol Federasiyası tərəfindən “Gənc istedadların müəyyənləşdirilməsi və inkişafı” düşərgəsi baş tutub. Burada 2010-2013 təvəllüdlü qız voleybolçular iştirak ediblər. Onların arasında Gəncə Regional Voleybol Klubundan 19 voleybolçu və 4 məşqçi də yer alıb.
Düşərgənin rəhbəri Şahin Çatman olub. Məşğələlər Voleybol Federasiyasının idman zalında təşkil olunub. Təlimlərdə uşaqlara voleybolun incəlikləri öyrədilib, onların daha yaxşı forma toplaması üçün müxtəlif proqramlar həyata keçirilib.
Toplanışda 2023-cü ildə aparılan seçimlər zamanı regional voleybol klublarının fərqlənən 90-a yaxın xanım üzvü iştirak edib.
