Tovuzda velosipeddən yıxılan 15 yaşlı oğlan ağır xəsarət alıb.
Apa.аz xəbər verir ki, hadisə rayonun Sarıtala kəndində baş verib.
Belə ki 2010-cu il təvəllüdlü A.Kərimli kənd ərazisində velosiped sürərkən idarəetməni itirib və velosipedlə qonşunun dəmir qapısına çırpılıb. Bu zaman velosiped aşıb və A.Kərimli yerə yıxılıb.
Ağır xəsarət alan yeniyetmə xəstəxanaya yerləşdirilib. Vəziyyəti ağır olduğundan əməliyyat olunub. Hazırda velosipeddən yıxılan yeniyetmənin vəziyyəti ağır olaraq qalmaqdadır.
Faktla bağlı araşdırma aparılır.
