“Qarabağ”ın sabiq futbolçusu İbrahima Vadjinin karyerasını Azərbaycanda davam etdirəcəyi böyük ölçüdə dəqiqləşib.
Futbolinfo.аz xəbər verir ki, seneqallı hücumçu Premyer Liqanın digər təmsilçisi “Turan Tovuz”la anlaşıb.
Fransanın “Sent-Etyen” klubundan ayrılaraq azad agent statusu alan 30 yaşlı forvard tovuzlularla müqavilənin şərtlərini razılaşdırıb. Onun avqustun ilk həftəsində Azərbaycana gələrək yeni komandasına qoşulması planlaşdırılır.
Qeyd edək ki, İbrahima Vadji 2021-2022 mövsümündə “Qarabağ”ın formasını geyinib.
