Goranboy rayonunda "Üzməyi öyrənək" layihəsinin V mərhələsində iştirak edən üzgüçülər arasında turnir baş tutub.
Gencexeber.az bildirir ki, bu barədə Gəncə-Daşkəsən Regional Gənclər və İdman İdarəsi məlumat yayıb.
Gənclər və İdman Nazirliyinin tədbirlər planına əsasən, İdarənin Goranboy rayonu üzrə gənclər və idman sektoru və Goranboy Olimpiya İdman Kompleksinin birgə təşkilatçılığı ilə “Üzməyi öyrənək” layihəsinin V mərhələsində iştirak edən üzgüçülər arasında turnir keçirilib.
Turnirə Goranboy şəhər 1, 2 və 3 nömrəli tam orta məktəblərin I-V sinif şagirdlərindən cəlb edilən 36 idmançı qatılıb.
Layihənin əsas məqsədi uşaqlara üzməyi öyrətməklə onların sağlamlığının təmin edilməsi, bu idman növünün təbliği və inkişafına nail olmaqdır.
Oğlan və qızlar arasında təşkil olunan yarışda müxtəlif yaş kateqoriyası üzrə I, II, III yerləri tutmuş idmançılar diplomlarla mükafatlandırılıb.
