Gəncədə uşaqlara 6 xəstəliyə qarşı yeni peyvənd vurulur. Bu haqda 6 aprel tarixində Kəpəz televiziyasına istinadən xəbər veririk.
6 yaşadək uşaqların peyvəndlənməsində yenilik tətbiq edilib. Peyvəndlər müəyyən dövrdən bir, vahid vaksin formasında vurulur. Fransa istehsalı olunan Heksaksim peyvəndi azyaşlılarda difteriya, tetanus, göy öskürək, Hepatit B, poliomielit və B tipli hemofiliyaya qarşıdır.
Gigiyena və Epidemiologiya Mərkəzinin həkim-epidemioloqu Ruhiyyə Qəhrəmanovanın sözlərinə görə, uşaqlara bir neçə vaksin eyni anda yeridirilir və bu da onlarda bir neçə xəstəliyə qarşı immunitetin yaranmasına səbəb olur. Uşaqları gələcəkdə idarə oluna biləcək xəstəliklərdən qoruyur.
Gəncəyə 1500 dozaya yaxın vaksin gətirilib və müvafiq Ailə Sağlamlıq Mərkəzlərinə verilib. Artıq tətbiqinə də başlanılıb. “Bu peyvəndlə yanaşı, sətəlcəm xəstəliyinə qarşı da peyvənd vurulur. Heç bir yan təsiri də yoxdur”,- deyə tibb bacısı qeyd edib.
