Gəncəli idmançı əcnəbi həmkarları ilə görüşüb. Bu haqda 29 fevral tarixində Şahmat Federasiyasına istinadən məlumat veririk.
Qadın şahmatçılardan ibarət Azərbaycan millisi Gürcüstanda yerli komanda ilə yoldaşlıq görüşləri keçirir. Təmsilçilərimizin arasında Nizami yurdunun yetirməsi Ülviyyə Fətəliyeva da yer alır.
İlk görüşmədə o, ağ fiqurlarla oynayıb və rəqibi ilə heç-heçə edib. İkinci yoldaşlıq qarşılaşmasında Nino Baçiaşvili təmsilçimizdən üstün olub.
Qeyd edək ki, razılaşmaya əsasən, şahmatçılar 5 tur çərçivəsində bir-biri ilə mübarizə aparacaqlar. Yoldaşlıq görüşləri rəsmi xarakter daşıyır. Nəticələr FIDE reytinqinə hesablanacaq.
Oyunlar qadın şahmatçılardan ibarət Azərbaycan millisinin Ümumdünya Şahmat Olimpiadasına hazırlıq proqramının bir hissəsidir.
