Ukraynalı media işçiləri şəhərimizin qonağı olublar. Bu haqda 19 yanvar tarixində Report-a istinadən məlumat veririk.
Ukraynanın “1+1” və “5-ci kanal” telekanallarının, “UNIAN” informasiya agentliyinin, “Ukraina seyças” və “Tretya sila” internet nəşrlərinin əməkdaşları Gəncədə səfərdədirlər. Onlar Vətən müharibəsi zamanı Ermənistan tərəfindən Gəncədə törədilən terror hadisələrinin baş verdiyi əraziləri ziyarət ediblər.
Jurnalistlər raket atəşi zamanı həlak olanların xatirəsinə dağıntılar olan əraziyə güllər düzüblər. Qonaqlara hadisələr barədə məlumat verilib. Ukraynalı jurnalistlər ərazidən reportajlar hazırlayıblar.
