Gəncə şəhərinin Lermontov küçəsində yerləşən fərdi yaşayış evinin ərazisində yığılıb qalan müxtəlif tullantılar Mənzil Kommunal Təsərrüfatı İstehsalat Birliyinin (MKTİB) canlı qüvvəsi və texnikası vasitəsilə təmizlənib.
Gencexeber.az bildirir ki, adıçəkilən ərazi MKTİB xidməti ərazisinə daxil olmasa da, sakinlərin rahatlığı və təhlükəsizliyi, həmçinin, bir müddətdir ki, yığılıb qalan tullantılar səbəbindən ətrafa üfunət yayılması və küçədə antisanitar vəziyyət nəzərə alınaraq həmin ünvanda tullantılar qurum tərəfindən bir yerə yığılaraq daşınması təmin edilib.
"Sözügedən ünvanda tüfeyli həyat tərzi sürən ailə yaşayır və onlara MKTİB rəsmiləri tərəfindən ərazinin təmiz saxlanılması ilə bağlı xəbərdarlıq edilib", - məlumatda qeydə olunub.