Ağstafa şəhərində marketdən araq oğurlayan şəxs inzibati qaydada həbs olunub.
Hadisə "Tez-gəl" adlı marketdə baş verib.
Belə ki, 1976-cı il təvəllüdlü şəxs həmin marketdən 12 manat dəyərində "Banketnaya" arağını oğurladığı zaman saxlanılıb.
Onun barəsində İnzibati Xətalar Məcəlləsinin 227-ci maddəsi ilə protokol tərtib edilib.
Məhkəmə baxışı iclasında təqsirləndirilən şəxs özünü imkanının zəif olduğunu, bu səbəbdən oğurluq etdiyini deyib.
Market sahibi oğurluq halının çoxalmaması üçün 50 yaşlı kişini bağışlamayıb. Məhkəmənin qərarı ilə arağı oğurlayan şəxs 15 sutka müddətinə inzibati qaydada həbs edilib.
Mənbə: xitab24.аz