Gəncədə yerləşən 33 saylı körpələr evi - uşaq bağçasında istilik problemi ilə bağlı redaksiyamıza şikayət daxil olub.
Valideynlərin Gencexeber.az-a verdiyi məlumata görə, bağçada istilik sistemi işləmir.
Onların sözlərinə görə, hətta öz hesablarına bağçaya elektrikli qızdırıcı alsalar da, bu, otaqların isidilməsi üçün kifayət etmir.
Şikayətçilər bildiriblər ki, ölkə üzrə mərkəzi istilik sistemi iki gündür işə salınsa da, 33 saylı körpələr evi - uşaq bağçasında vəziyyət acınacaqlıdır, otaqlar buz kimidir.
Valideynlərin iddiasına görə, uşaqlar soyuq şəraitdə olduqlarından bağçada azyaşlıların əksəriyyəti qripə yoluxub.
Məsələ ilə bağlı Gəncə-Daşkəsən Regional Təhsil İdarəsinə sorğu ünvanlanıb.