Gəncə şəhərinin Gülüstan qəsəbəsi, Müzəffər Həsənov küçəsi 21 ünvanında yaşayan sakin rabitə dirəyinin təhlükəli vəziyyətdə olması ilə bağlı redaksiyamıza şikayət ünvanlayıb.
Gencexeber.az-a müraciət edən şikayətçinin sözlərinə görə, ərazidəki rabitə dirəyi əyilərək qaz borusunun üzərinə aşır.
Vətəndaş bildirir ki, problemi öz imkanları hesabına dəfələrlə aradan qaldırmağa çalışsalar da, rabitə dirəyi yenidən əyilir.
Şikayətçi yaranmış vəziyyətin hər hansı bədbəxt hadisəyə səbəb ola biləcəyindən narahatdır. O, aidiyyəti qurumlardan təhlükəli vəziyyətə laqeyd yanaşmamağı, mümkün fəsadlar baş vermədən rabitə dirəyinin bərpası istiqamətində zəruri tədbirlər görməyi xahiş edir.
Qeyd edək ki, məsələ ilə bağlı Gəncə Telekommunikasiya Qovşağına (GTQ) sorğu ünvanlanıb.