Tovuzda kənd sakinləri fəryad edirlər.
Gencexeber.az “Şikayət TV”yə istinadən məlumat verir ki, sözügedən hal Tovuz rayonunun Dondar Quşçu kəndində müşahidə edilir. Belə ki, bir müddət öncə təzyiqli yeraltı suların çıxarılması məqsədilə sözügedən yaşayış məntəqəsinin yaxınlığında quyu qazılıb. Orada müvafiq qurğunun yerləşdirilməsinə baxmayaraq, kənd əhalisi hələ də su üzünə həsrətdir.
Sakinlərin sözlərinə görə, arteziandan çıxarılan suyun nəqli üçün qazılan kanalda heç vaxt su olmayıb: “Bu qazılan artezian heç bir saniyə belə işləməyib, arxımızda su yoxdur. Biz kəndlilər mal-qaramıza haradan su verək?”
Vətəndaşlar problemin həll edilməsi üçün aidiyyəti qurumlar tərəfindən praktiki addımların atılmasını tələb edirlər.
