Qardaş taxta ilə bacısını döyüb.
Gencexeber.az-ın məlumatına görə, hadisə Samux rayonunun Ziyadlı kəndində qeydə alınıb. Kənd sakini, 1998-ci il təvəllüdlü Əli Məmmədov eyni evdə yaşadığı bacısı Hicran Məmmədova ilə mübahisə edib.
Mübahisəyə səbəb isə Əlinin evdə tez-tez münaqişə salması, ev əşyalarını satması barədə bacısının dayısı oğlu Nicata məlumat verməsi olub. Bu zaman kişi bacısının evin sirrini kənar şəxslərə verməsini əsas gətirərək əlində olan taxta ilə qadını döyməyə başlayıb. Nəticədə Hicran Məmmədova müxtəlif dərəcəli bədən xəsarətləri alıb.
Hadisədən sonra Əli Məmmədov saxlanılaraq cinayət məsuliyyətinə cəlb edilib. Samux Rayon Məhkəməsində aparılan istintaq zamanı tərəflər arasında barışıq əldə olunduğu üçün cinayət təqibinə xitam verilib.
Fidan İlqar
