Tanınmış türkiyəli aktyor, bir çox film və seriallarda baş qəhrəman obrazını canlandırmış Ercan Kesal Gəncə şəhərinə səfər edib.
Gencexeber.az-ın məlumatına görə, o, hazırda şəhərimizdə film çəkilişlərində iştirak edir. Bu günlərdə aktyor Gəncənin məşhur iaşə obyektlərindən birinə də baş çəkib. Restoranda digər ziyarətçilər Ercan Kesalın gəlişini böyük maraq və səmimiyyətlə qarşılayıb, onunla söhbət edib və xatirə şəkilləri çəkdiriblər.
Ercan Kesal Azərbaycan mətbəxinin ləziz nemətlərindən məmnun qaldığını bildirib. O, xüsusilə Gəncədə bişirilən yeməklərin ona çox xoş təsir bağışladığını vurğulayıb.
