“Əli və Nino” kitab mağazaları şəbəkəsinin təsisçisi və tanınmış nəşriyyatçı Nigar Köçərli Gədəbəylə bağlı uşaqlıq xatirələrini bölüşüb.
Gencexeber.az məlumat verir ki, Nigar Köçərli sosial şəbəkədə etdiyi paylaşımda bildirib ki, Bakıda doğulub böyüyüsə də, heç vaxt özünü şəhərli kimi hiss etməyib. Ata tərəfi Gədəbəy, ana tərəfi isə Şəmkirli olan sahibkar yay tətillərinin böyük hissəsini bölgələrdə keçirib.
“Hər yay tətilində qardaşlarımla məni Şəmkirə yollayırdılar. Bu səyahətlərimiz bəzən maşınla, daha çox isə qatarla olurdu. Uşaqlıq illərimin ən gözəl xatirələri məhz həmin tətillər olub deyə bilərəm. Şəmkirin bütün küçələri mənə doğma idi. Tətil boyu həm Şəmkirdə, həm də Gədəbəydə qalırdıq. Amma Şəmkir daha çox xoşuma gəlirdi”, – o bildirib.
Qeyd edək ki, Nigar Köçərli Azərbaycanda 2005-ci ildən fəaliyyət göstərən ən böyük kitab şəbəkəsi - “Əli və Nino” kitab mağazaları şəbəkəsinin təsisçisidir. O, 17 avqust 2003-cü ildə 600 dollar sərmayə ilə ilk "Əli və Nino" kitab mağazasını açıb. "Əli və Nino" mağazalar şəbəkəsi Bakının bütün böyük ticarət mərkəzlərində, həmçinin Sumqayıt şəhərində toplam 10 mağaza ilə fəaliyyət göstərir.
