Gəncə Şəhər Ağsaqallar Şurasının sədr müavini dünyasını dəyişib. Bu haqda Gencexeber.az-a 31 yanvar tarixində məlumat daxil olub.
Söhbət Mobil Qulu oğlu İmanovdan gedir. İlkin məlumata görə, mərhumun ölümünün səbəbi təzyiqinin düşməsi olub. Sədr müavini 29 yanvar tarixində gecə saatlarında vəfat edib. O, ötən gün İmamzadədə dəfn olunub.
Qeyd edək ki, Mobil İmanov 18 mart 1944-cü ildə Goranboyun Əhmədabad kəndində doğulub. Gəncə xalça kombinatında bir sıra vəzifələrdə işləyib. O, fəaliyyəti dövründə şəhərimizin ictimai-siyasi həyatında fəal iştirak edib. Bu xidmətlərinə görə Prezident tərəfindən “Tərəqqi” medalı ilə təltif edilib.
[modula id="54087"]
