Gəncədə sürət qatarının qrafikində dəyişiklik olub. Bu haqda 19 aprel tarixində ADY-yə istinadən məlumat veririk.
Söhbət Bakı-Ağstafa-Bakı marşrutu üzrə hərəkət edən qatardan gedir. “Azərbaycan Dəmir Yolları” QSC bu həftəsonu üçün (20-21 aprel tarixlərində) xəttə yeni qatar əlavə edib.
Nəqliyyat vasitəsi 20 aprel tarixində 09:15-də Bakıdan çıxacaq və 14:03-də Gəncəyə çatacaq. Aprelin 21-i isə Gəncədən 16:44-də çıxan qatar 21:25-də Bakıda olacaq.
Qeyd edək ki, daha öncə olan qrafikdə heç bir dəyişiklik tətbiq edilmir. Yeni qatar yalnız sözügedən iki tarixdə əlavə olaraq, marşruta buraxılacaq.
Biletləri vağzal kassalarından, www.ady.az saytından və ya "ADY Mobile" tətbiqi vasitəsilə əldə etmək mümkündür.
