Gəncədə sakinlərin sevimli istirahət guşələrindən biri yaxında təmirdən çıxacaq. Bu haqda 6 aprel tarixində AZ TV-yə istinadən məlumat veririk.
Söhbət Yeni Gəncə yaşayış massivindəki Heydər Əliyev Park-kompleksindən gedir. Ötən ilin may ayında güclü yağış nəticəsində sel yaranıb ərazidəki süni gölün bəndlərini dağıtmışdı. İstirahət güşəsi bataqlığa çevrilmişdi.
Hadisədən sonra 7 hektar ərazisi olan gölün bərpasına başlanıldı. Artıq əsas işlər tamamlanıb. Gölün ərazisi lildən təmizlənib, sel təhlükəsinin qarşısını almaq üçün 380 metr uzunluqda və 2 metr diametri olan su ötürücü boru çəkilib.
Su hövzəsinin ətrafında yerləşən iaşə obyektləri, əyləncə guşələri ilə birgə may ayında istifadəyə veriləcəyi bildirilib.
Bundan başqa, ziyarətçilərin təhlükəsizliyi məqsədilə gölün ətrafına məhəccər çəkiləcək.
