Gəncədə stadionun son halı ilə bağlı danışılıb. Bu haqda 28 dekabr tarixində Report-a istinadən məlumat veririk.
“Kəpəz”in İdarə Heyətinin sədri İlqar Nadiri arenada aparılan işlərdən söz açıb. O, prosesə Gənclər və İdman Nazirliyinin nəzarət etdiyini bildirib.
“Kəpəz” uzun illərdir Gəncədəki stadiondan istifadə edir. Ancaq bu arena Gənclər və İdman Nazirliyinin balansında olan idman obyektlərindən biridir. Stadionda söküntü işləri, demək olar ki, tamamlanıb. Tikinti prosesinə nə vaxt start veriləcəyi və bu işi hansı şirkətin icra edəcəyi barədə heç bir məlumatımız yoxdur”.
Klub rəsmisi stadionda söküntü işlərinin sürətlə aparıldığını qeyd edib.
“İnşasının da sürətli icra olunması gözlənilir. Ancaq tikinti işlərinin nə vaxt başlayacağını və stadionun nə zaman istifadəyə veriləcəyini bilmirik. Prosesin mümkün qədər tez başlaması üçün işlər görülür. Ancaq işləri cari mövsümün sonuna qədər yekunlaşdırmaq mümkün deyil. Onu deyə bilərəm ki, çox gözəl, xüsusi stadion olacaq”.
