Tovuzda Birinci Qarabağ müharibəsinin şəhidi Fuad Ələsgərovla vida mərasimi keçirilib.
Gencexeber.az bildirir ki, Xocavənd rayonunda tapılan Birinci Qarabağ müharibəsində itkin düşmüş hesab olunan Fuad Cəfər oğlu Ələsgərovun meyitinin qalıqları Tovuz rayonuna gətirilib.
Şəhidin nəşi rayonun Ağbaşlar kəndində ailəsinə təhvil verilib.
Şəhidlə vida mərasimi keçirilib.
Qeyd edək ki, Fuad Cəfər oğlu Ələsgərov 1974-cü il martın 8-də Tovuzun Ağbaşlar kəndində anadan olub. O, 1993-cü il avqustun 31-də Füzuli rayonunun Kürdmahmudlu kəndi istiqamətində itkin düşüb.
F.Ələsgərov Ağbaşlı kənd qəbiristanlığında dəfn olunub.
