Gəncə şəhərində yerləşən Səbiskar qəbiristanlığında vəziyyət acınacaqlıdır.
Sakinlərin Gencexeber.az-a verdiyi məlumata görə, qəbiristanlıqda uzun müddətdir heç bir təmizlik və abadlıq işi aparılmayıb. Nəticədə alaq otları qəbristanlığı basıb.
Ziyarətə gələnlər bildirirlər ki, otların sıxlığından qəbrin yerini müəyyən etmək belə mümkün olmur. Hətta ilan və digər zərərli heyvanların görünməsi səbəbindən sakinlər qəbiristanlığa girəndə ehtiyat edirlər.
Sakinlər aidiyyəti qurumlara çağırış edərək qəbiristanlıqda təmizlik işlərinin aparılmasını, otların biçilməsini və ziyarət üçün minimum şəraitin yaradılmasını istəyirlər.
