Gəncə şəhər stadionuna yeni qazon salınıb. Bu haqda 4 avqust tarixində Kepez televiziyasına istinadən xəbər veririk.
Aprel ayının əvvəlində şəhər stadionunun ot örtüyü oyunların keçirilməsi üçün yararsız hala düşmüşdü. Bu səbəbdən “sarı-göy”lər doğma meydandan kənarda qalmışdı. Ot örtüyünə qulluq edən şirkət tərəfindən meydana 4 ay ərzində yeni qazon salınıb. Stadionda aqrotexniki işlər yerinə yetirilib və əvvəlki vəziyyətinə qaytarılıb.
Artıq qazon yeni mövsümün oyunlarının keçirilməsi üçün tam hazırdır. Peşəkar Futbol Liqasının mütəxəssisləri tərəfindən də meydançaya baxış keçirilib. “Kəpəz”in rəqiblərini Gəncədə qəbul etməsinə icazə verilib.
Keçən mövsüm olduğu kimi, arenaya oyunları izləmək üçün məhdud sayda, yəni 3000 azarkeş buraxılacaq.
