Samuxda minik maşını ağaca çırpılıb.
Unikal.аz xəbər verir ki, hadisə rayonun Seyidlər kəndinin yaxınlığında qeydə alınıb. Belə ki, hərəkətdə olan minik avtomobili idarəetmədən çıxaraq aşıb. Nəticədə minik maşını yol kənarındakı ağaca çırpılıb. Qəza zamanı sürücü 1997-ci il təvəllüdlü Orxan Şəfiyev və 2003-cü il təvəllüdlü M.Musayeva xəsarət alaraq xəstəxanaya yerləşdriliblər, onların vəziyyətlərinin orta ağır olduğu bildirilir.
Məlumata görə, qəzada xəsarət alan Orxan Şəfiyev Vətən müharibəsi şəhidi Daşqın Şəfiyevin qardaşıdır.
Hadisə yerinə DYP əməkdaşları cəlb edilib. Faktla bağlı araşdırma aparılır.
