“1937-1938-ci illərdə Səməd Vurğunu tutmuşdular. Sürgün edəcəkdilər. O vaxt hamıya yalandan "xalq düşməni" adı vururdular. Çünki Moskvadan verilən "planı" doldurmaq lazım idi. Yoxsa, Səməd Vurğun çox yaltaq şair olub. Onun qədər yaltaq şair olmayıb”.
Bunu lent.аz-a müsahibəsində filosof, yazıçı Əlisa Nicat deyib.
Əlisa Nicat deyib ki, Səməd Vurğun Cavidin, Müşfiqin əleyhinə çoxlu yazılar yazıb. "Bütün yer üzünün xoş gələcəyi, Hər zövqü, səfası partiyamızdır" - bunu Səməd Vurğun yazıb. Hələ bunu deyən adamın heykəlini də qoyublar.
Səməd Vurğun Cavidin, Müşfiqin əleyhinə nə qədər yazılar yazıb? Lakin Səməd Vurğunu da Bağırov xilas etdi. Qoymadı onu sürgün etsinlər”.
