Gəncədə uşaqlara peyvənd vurulur. Bu haqda 1 dekabr tarixində Kəpəz televiziyasına istinadən məlumat veririk.
Proses Kəpəz Ailə Sağlamlıq Mərkəzində aparılır. İlkin olaraq, xüsusi risk qrupuna aid olanlar, yaşlı insanlar və könüllü müraciət edənlər qripə qarşı vaksinasiya olunurlar. Peyvənd insanlarda qripə qarşı immunitet yaradır. Vətəndaş infeksiyaya yoluxsa belə, xəstəliyi yüngül formada keçirir.
Vaksin 6-12 ay müddətində insanı qrip viruslarından müdafiə edir. Peyvəndlər Niderland istehsalıdır.
Bildirilir ki, iynə 6 yaşdan yuxarı hər kəsə vurula bilər. Peyvəndləmə prosesi 3 ay davam edəcək.
Ötən il şəhərimizdə 5 mindən çox şəxs bu vaksindən vurdurub.
