Xəbər verdiyimiz kimi, Vətən müharibəsi şəhidi Yusif Ələsgərovun qardaşı dünyaya gəlib.
Gencexeber.az məlumat verir ki, bir müddət öncə şəhidin anası Sevinc Abdullayevanın dünyaya gətirdiyi oğlan uşağı artıq xəstəxanadan çıxarılaraq evə gətirilib.
Qeyd edək ki, 1996-cı ildə Tovuz rayonunun Yuxarı Öysüzlü kəndində anadan olan Yusif Ələsgərov 2020-ci il sentyabrın 27-də başlayan Vətən müharibəsi zamanı Füzuli, Xocavənd, Cəbrayıl və Qubadlının azadlığı uğrunda gedən döyüşlərdə tankçı kimi iştirak edib. Oktyabrın 24-də Qubadlı döyüşləri zamanı ağır yaralanıb. Müalicəsi tam bitmədən yenidən döyüş bölgəsinə qayıdıb.
Y.Ələsgərov noyabrın 7-də Xocavənd rayonu istiqamətində gedən döyüşlərdə şəhid olub. Tovuz rayonunun Yuxarı Öysüzlü kəndində torpağa tapşırılıb.
O, ölümündən sonra "Vətən uğrunda" və "Şuşanın azad olunmasına görə" medalları ilə təltif edilib.
