Sentyabrın 21–22-də Gənclər və İdman Nazirliyinin təşkilatçılığı ilə səyyar "Sağlam həyat" avtomobili III MDB Oyunları çərçivəsində Gəncə şəhərinə gəlib.
Gencexeber.az-ın məlumatına görə, layihə çərçivəsində iştirakçılar avtomobildə quraşdırılmış xüsusi avadanlıqlardan istifadə edərək müxtəlif məşqlər ediblər. Onlar həmçinin sağlam həyat tərzini təşviq edən tapşırıqları yerinə yetiriblər. Normativləri uğurla yerinə yetirən gənclərə sertifikatlar təqdim olunub.
Tədbirdə Gəncə-Daşkəsən Regional Gənclər və İdman İdarəsinin rəisi Elvin Quliyev, ADFA Qərb bölgəsi üzrə regional rəhbər, Fəxri Bədən Tərbiyəsi və İdman İşçisi, Əməkdar məşqçi İlqar Alıyev, həmçinin regional sədr müavini, beynəlxalq dərəcəli hakim Namazlı Fəxri və digər idman mütəxəssisləri iştirak ediblər.
