Gəncədə müəllim vəfat edib.
Gencexeber.az-ın məlumatına görə, Gəncə şəhər M.Ə.Sabir adına 5 nömrəli tam orta məktəbin müəllimi Mədinə Müsrüb qızı Əliyeva dünyasını dəyişib.
Qadın Bakıda yerləşən xəstəxanaların birində bir ay boyunca müalicə alıb. Süni tənəffüs aparatı vasitəsi ilə xanımın həyatda qalması təmin edilib. Lakin uzun müddət keçməsinə və həkimlərin səyinə baxmayaraq onun səhhətində müsbət dəyişiliklərə nail olmaq mümkün olmayıb.
M.Əliyeva iki gün öncə sözügedən avadanlıqlardan ayırılaraq təcili tibbi yardım avtomobili ilə doğma diyarına gətirilib. Bu gün səhər saatlarında isə son nəfəsini verib. O, kəskin ağciyər və ürək çatışmazlığından vəfat edib.
Mədinə Müsrüb qızı Əliyeva keçmiş Azərbaycan Müəllimlər İnstitutunun Gəncə filialının Rus dili və ədəbiyyat kafedrasının müdiri olub. Həyatını Gəncədə uşaqların, yeniyetmələrin və gənclərin təlim-tərbiyəsinə, təhsilinə həsr edən xanımın 56 yaşlı olub.
Mədinə müəllimənin nəşi sabah İmamzadə qəbiristanlığında torpağa tapşırılacaq.
Allah rəhmət eləsin!
