"STEAM Azərbaycan” layihəsinin təşkilatçılığı ilə robot texnologiyaları və mühəndislik sahəsinin atası sayılan Joseph Engelbergerin 100 illik yubileyinə həsr olunmuş “VEX Robotics” yarışlarının “VEX V5” kateqoriyası üzrə “JosephCUP 2025” adlı Respublika turniri baş tutub.
Gencexeber.az bildirir ki, bu barədə Gəncə-Daşkəsən Regional Təhsil İdarəsi məlumat yayıb
Gəncə şəhər M.Mehdizadə adına 4 nömrəli məktəb liseyin şagirdi Fatimə Yusifli, M.Ə.Sabir adına 5 nömrəli tam orta məktəbin şagirdi Nigar Süleymanlı, 32 nömrəli tam orta məktəbin şagirdi Tofiq İbrahimli və 34 nömrəli tam orta məktəbin şagirdi Hüseyn Məmmədovun qatıldığı, mentoru isə Gəncə şəhər M.Mehdizadə adına 4 nömrəli xarici dillər təmayüllü məktəb-liseyin müəllimi Rauf Abışovun olduğu “Breakers” komandası ikinci yerə layiq görülüb.
Qeyd edək ki, turnirin keçirilməsində məqsəd Azərbaycan gənclərinin mühəndislik və robot texnologiyaları sahələrində bilik və bacarıqlarını inkişaf etdirmələri olub.
