Gəncə şəhər Mənzil Kommunal Təsərrüfatı İstehsalat Birliyi (MKTİB) tərəfindən Sadıllı qəsəbəsində yerləşən su arxında və ətrafında təmizlik işləri həyata keçirilib.
Gencexeber.az məlumat verir ki, məsuliyyətsiz sakinlər tərəfindən mütəmadi olaraq çirkləndirilən və zaman-zaman daşmalara məruz qalan arx məişət tullantılarından təmizlənib.
Aksiya zamanı toplanan tullantılar bir yerə yığılaraq ərazidən daşınması təmin edilib. Təmizlik işlərinə MKTİB-nin Ərazi Xidmət Sahələrinin əməkdaşları cəlb olunub.
Gəncə şəhər MKTİB bir daha sakinlərə müraciət edərək bildirir ki, məişət və digər tullantıları təyin olunan yerlərə atsınlar.
